Chapter 85
CLARA
Makalipas ang ilang araw ay lumipat kami sa mansyon nila Lance sa San Agustin.
Si Mama naman ay ayaw iwan ang bahay dahil wala raw tao sa Isla, kaya minsan ay pinupuntahan na lang namin siya at minsan naman ay siya ang pumupunta sa mansyon para bisitahin ang mga apo niya.
At katulad ng pinagkasunduan namin ni Lance ay hindi kami magkatabi sa isang silid. May sarili akong kuwarto at ganoon rin ang mga kambal. Kumuha si Lance ng dalawang yaya para sa mga kambal.
Lingid sa aking kaalaman ay may pinatayo pa lang hotel sina Lance, Kuya Gabriel, at Liam, malapit sa San Agustin. Si Lance ang nagma-manage roon kaya lagi siya naroon para e-check ang negosyo nila.
Ako naman ay panay ang gala ko dahil umaasa ako na may yaya ang mga kambal kaya malaya akong nakakrating kung
