BAGO pa man makaiwas si Nick ay tinamaan na siya sa kaliwang pisngi ng kamao ni Neil. Nagngangalit ito, namumula ang mukha nito sa galit.
“You, son of a b***h!” sigaw ni Neil at muli siya nitong sinuntok sa mukha.
Tumama siya sa mesang kahoy na naroon sa kanyang kuwarto sa ospital bago siya tuluyang bumagsak sa sahig, Nalaglag ang lahat ng naroon pati ang mga prutas at bulaklak na galing kay Meg. Ramdam niya ang sakit na dulot noon sa kanyang likod at ang malakas na suntok nito sa kanyang mukha. Nalasahan niya ang sariling dugo dahil sa pagputok ng kanyang labi.
Nang tingnan niya ang kapatid, handa na ulit itong sumugod. Sila lamang dalawa ang naroon, umuwi na ang kanyang ninong Ito at nalaman niya mula rito na umuwi na rin si Meg na magdamag na nagbantay sa kanya. Nag-aayos na siya ng
