“NICK!”
Wala pang isang minuto ay nakita na niya si Nick na patakbong palapit sa kanya doon sa kanyang studio. Abala siya noon sa pagpipinta sa bahaging iyon ng kanilang malaking bahay. Isa lamang ang bahay na iyon sa mga pagmamay-ari ni Nick sa Tagaytay, at sa iba’t-ibang panig ng bansa. Doon nila napiling tumira dahil doon sa lugar na iyon sila unang nagkakilala, doon sa resort na iyon sinagip ni Nick ang buhay niya noon.
Marrying Nick is definitely the best decision she had made in her life. May mga hindi nakaintindi, may mga humusga pero para sa kanya, nagmahal lang siya at wala namang mali roon at kung mayro’n man, marahil, iyon ay ang lugar, at pagkakataon. Siguro nga, hindi magandang tingnan sa mata ng iba na pinakasalan niya ang kapatid (at kakambal) ng dating kasintahan pero hin
