“Sigurado ka ba sa gagawin natin?” nag-aalala kong tanong kay Jacob.
Bumuntong-hininga siya ng malalim bago ako tinignan. Naka-upo siya sa kama ko ngayon habang ako ay nasa aking sahig at nag-iimpake ulit ng gamit ko upang dadalhin ko mamaya.
“Sa tingin mo ba nag-jo-joke ako?” pabalang niyang sagot.
Sinamaan ko siya ng tingin at binato sa kaniya ang t-shirt na hawak ko. Nasalo niya iyon at malakas na tumawa habang tinitignan ang disenyo na naka-print doon.
“Sa tingin mo, sino ang mas gwapo,” seryoso niyang sabi habang tinitignan ang t-shirt na hawak niya. “Ako o si Jungkook?”
Malakas akong tumawa sa tanong niya at napailing na lang. Alam niya na naman ang sagot sa tanong na iyon dahil alam niya na dati pa lang ay patay na patay na ako kay Jungkook.
“H’wag mo na pala sagutin,” mabili
