MAHIGPIT ang hawak ni Rigorr sa cell phone habang kausap niya si Dreigh. Hindi na siya matahimik sa isla. Hindi lang isip niya ang magulo, pati puso na. Kailangan nang matapos ang trabahong iyon bago mauwi sa isang komplikadong katapusan ang kuwento nila ni Wendy. Ipinagpapasalamat niyang mahigpit na pinanghahawakan ng babae ang pagiging ‘magkapatid’ nila. Gaano man kalakas ang parang magnet na hatak nila sa isa’t-isa ay nananatili matatag si Wendy.
Pagkatapos ng eksena nila sa ilalim ng shower, naramdaman na ni Rigorr ang pag-iwas nito sa hawak niya. Ang pagtitig na lang sa kanya nang madalas ang hindi nito mapigilang gawin—at madalas niyang mahuli ito. May hatid na masarap na init iyon sa puso niya.
“Tama pala ang kutob ni Wendy,” sabi ni Rigorr pagkatapos nang mahabang pag
