“Pretty,” sabi ni Rigorr. “Bumalik ako kagabi. Naisip kong tulog ka na kaya hindi na ako pumasok. Nandito lang naman ako sa labas ng room mo. Sorry, nakatulog ako.” Hinagod nito ang manipis na buhok. Natigilan siya mayamaya. May napansin siya sa mukha at sa sulok ng labi nito.
“Bruises?” wala sa loob na umangat ang kamay niya at sinalat ng daliri ang tinutukoy. Maga nga ang kaliwang panga nito, may maliit na sugat sa kilay at bahagyang putok ang sulok ng bibig. Bumaba sa hubad na itaas nito ang mga mata niya. Wala itong sugat sa katawan pero puno ito ng buhangin. Kung hindi siya nagkakamali ay sa seashore ito binugbog ng mga goons. Naghalo marahil ang pagod at sakit ng katawan nito kaya bumagsak na lang sa labas ng pinto ng silid na iyon.
“You were hurt,” awa at g
