HEARTBEAT ang unang rumehistro sa isip ni Wendy nang magising siya. Kung hindi siya nagkakamali ay nakahilig siya sa dibdib ng isang tao—at ang payapang pintig ng puso ng taong iyon ang naririnig niya.
Nagmulat siya ng mga mata. Ang mga bisig niyang nakatali ng itim na tela ang nakita ni Wendy, nakapatong iyon sa mga tuhod niya. Nagbalik sa kanyang isip ang lahat ng nangyari bago siya nakatulog.
“Dad? Dad! Oh, God…Rigorr? Where—” naudlot ang pagkilos niya nang maumpog siya sa baba ng may ari ng pusong pinakikinggan niya ang pintig kanina lang. “Ouch.”
“Don’t move yet, pretty,” boses ni Rigorr. “Nakatali tayo pareho,” naramdaman niya ang pagkilos nito. Umayos ito ng upo kaya mas napasandal siya sa dibdib nito. Noon siya nalinawan kung nasaan siya eksakto—nakapalo
