Huminga si Wendy nang malalim, inayos ang upo at deretso siyang tumingin sa repleksiyon niya sa salamin. Natigilan siya mayamaya. Hindi lang siya ang nag-iisang nakatingin sa kanyang repleksiyon—si Rigorr, nakatitig rin ito sa mga mata niya sa salamin. Ilang segundong tinitigan nito ang mga mata niya sa repleksiyon bago marahang ngumiti. Ang ngiting nagsasabing hindi siya mag-isa. Ang ngiting sapat para kumalma siya sa kabila ng sitwasyon nila.
Nakangiti pa rin ito nang bumaling siya—ngiting napawi nang muling bumukas ang pinto at pumasok uli ang dalawang goons. Dumeretso ang mga ito sa kinauupuan ni Rigorr. Kinalag ang posas ng bodyguard niya at hinawakan sa kuwelyo, hinila palabas ng silid.
Nabahala si Wendy. Kaagad siyang humabol. Nasa may pinto na ito nang pigilan niya ang mga braso,
