Milky
Pumunta ako sa gate para tignan kung sino ang nag-door bell dahil sa utos ni mama. Nakita ko si Aling Dugong sa siwang palang ng gate kaya ng buksan ko ito ay niliitan ko lang ang awang.
"Ano po iyon Aling Thelma?"
Mas bagay iyong Dugong sa kaniya kaysa sa pangalan niya.
"Andiyan ba nanay mo?"
Siguro maniningil na naman 'to.
"Bakit po?"
Akala ko ba bayad na si Mama sa kaniya?
"Tungkol sa utang------"
Hindi pa siya tapos magsalita, sumingit na ako.
"Naku po, umalis. Kahapon pa."
Walang pera si Mama kaya wag siyang eksena!
"Na babayaran ko sana. Sayang naman wala pala."
Ay mali pala!
"Pero bumalik na po kanina. Wait lang po tatawagin ko lang."
Sabi ni Idol Jaime, uso daw maging wise. Kaya ito, tina-try ko paminsan-minsan.
"Mama si Aling Dugong po, magbabayad daw po ng
