Nagsimula nang tumulo ang mga dugo mula sa aking bibig. Dama ko ang hapdi ng sugat sa loob ng aking bibig mula sa malakas na pagkakasampal sa akin ni Gob. Sebastian.
Si Enrique ay nakatingin lamang sa akin, habang kita sa kaniyang mga mata ang pighati na makita akong duguan. Nakatitig naman ay kay Juancho na ngayon ay napupuyos sa matinding galit. Ang kaniyang mga paghinga ay mabibigat at ang mga tingin nito kay Gob. Sebastian ay walang paris ang sama.
Nagpatuloy ang sunod- sunod na p*******t sa akin ni Gob. Sebastian. Makailang beses ako nitong pinagsisipa hanggang sa hindi na ako makagalaw nang maayos. Ang kaniyang mga tauhan ay patuloy rin sa pagbibigay sa akin ng mga suntok. Pinipilit kong lumaban alang- alang sa kapalaran ni Juancho. Bagamat ayaw kong malagutan ng hininga sa panahon
