Madilim na nang kami ay tuluyang makarating doon. At kahit sa malayo pa lamang, tanaw ko na ang liwanag ng lugar dala ng iba't- ibang mga palamuti at pailaw.
Papalapit nang papalapit ay mas lalong lumalakas ang pagkalabog ng aking dibdib, at tila naramdaman ito ni Juancho. Bigla niyang hinawakan ang aking kamay kaya agad naman akong napatingin sa kaniya. Nginitian lamang ako nito na siyang bahagyang nakapagpabagal sa malakas na pagkalabog ng aking puso.
Dahan dahan niya akong ibinaba mula sa calesa, at bago pumasok ay iniabot niya sa akin ang kaniyang inihandang maskara para sa aming dalawa. Tinignan ko muna ito nang maigi at binigyang halaga ang gandang taglay nito.
Kinuha ito ni Juancho mula sa akin at saka inilagay sa aking mukha. Nagtungo siya sa aking likuran at itinali ang laso n
