Labis ang aking pagkabigla nang masilayan ko ang mukha ni Juancho, na kasalukuyang kasama namin sa panahon ngayon. Wala naman akong naramdaman na sumunod siya sa amin. Ni kaluskos ng paa ay hindi ako nakarinig kaya sobra akong nagulat sa kaniyang pagsama sa taong kasalukuyan.
Nag- iba ang reaksyon ng mukha ni Enrique nang makita niya si Juancho. Hanggang ngayon ay naeestatwa pa rin ako sa kinatatayuan ko dahil hindi ko inaakala na mangyayari ito. Akala ko kami lamang ang may kakayahang makapunta sa panahon nila, ngunit maging sila pala ay kaya rin ito.
"Ano ginagawa mo rito? Tarantado ka ah!" napupuyos sa galit na sigaw ni Enrique kay Juancho na nasa likod namin ngayon.
Pinigilan ko ang galit ni Enrique, dahil makakasama pa ito sa kaniya gayong nanghihina pa siya. Ikinabigla ko nang map
