Pinatuloy kami ng aming ninuno sa kanilang tahanan. Sa aming pagpasok, nadatnan namin ang isang maluwag na bahay. Malinis ang bahay na ito at mahahalata mmong inaalagaan.
Pinaupo niya kami sa isang silya na yari sa kawayan. Ang batang kaninang nakasalubong namin ay inabutan kami ng isang basong tubig nang kaniyang mapansin ang aming pagkahingal at ang mga bumubutil na pawis sa aming noo.
“Kailan pa pala kayo napunta rito sa aming panahon?” tanong ni G. Lucas, na aking ninuno, sabay upo sa upuang nasa harapan namin.
Nginitian niya kaming dalawa at saka tinitigan kami sa aming mga mata.
“Kamukhang kamukha mo ang aking asawa, apo,” sabi nito.
Nang aking marinig ito ay nagulat ako. Hindi ko pa nasisilayan ang aking lola kaya naman hindi ako makapaniwala sa kaniyang sinabi.
“Nasaan po ba
