“WAKAS,” pagbigkas ni Neriza sa salitang isinulat sa ibabang bahagi ng kanyang nobela. Pagkatapos ay ang pen name niya ang sunod na itinipa. Godiva. Tinitigan niya iyon, sa isip ay binabalikan ang pinag-usapan nila ni Imee kahapon...
“So, honey, kailan mo isusulat ang kuwento ng buhay mo?”
“What?” natatawang tanong niya. “Kuwento ng buhay ko?”
“I mean, when will you use yourself, your name as the heroine, in your novel? Katulad ng ginawa mo sa novel mo na Branded kung saan naging bida ako roon. OMG. Kahit binago mo ang ilang facts, kahit hindi mo ginamit ang pangalan ko, may mga kaibigan at kamag-anak pa rin ako na nagtatanong kung ako raw ba ang nasa Branded.”
Tumaas ang kilay ni Neriza. “Kung ganoon, nalaman mo kung sino-sino sa mga friends at relatives mo ang nagbabasa ng Black
