Halos araw-araw nang dumadalaw si Robb kay Kate. Tatlo hanggang apat na beses sa isang linggo ay naroon ito sa kanilang bahay kasama ang kanyang ama na ngayon ay personal driver na ni Robb. Paminsan-minsan nga lamang ay inihahatid lamang nito si Robb sa kanila pagkatapos ay umaalis na rin ito. Inuutusan pa kasi ito ng mga magulang ni Robb kung minsan na maghatid ng kung ano-ano sa opisina ng mga ito. Kung minsan ay nagda-drive din ito para sa ina ni Robb patungo sa opisina.
Inirekomenda talaga ni Robb ang kanyang ama sa mga magulang nito pero hindi alam ng mga ito ang tungkol sa ugnayan nilang dalawang mag-ama. Ang sinabi lang ni Robb ay ama ito ng kaibigan niya na naghahanap ng mapapasukan. Mabuti na nga lang at kailangang-kailangan niya ng driver kaya pumayag agad ang mga ito.
“Maiwan
