Dinala muna siya ni Robb sa mall para daw makabili siya ng bagong damit na isusuot niya sa pagharap sa kanyang mga magulang. Hindi naman daw kasi maaaring nakasimpleng pantalon lamang siya sa pagharap dito.
Isang wrap around dress na kulay blue ang napili niyang isuot. Simple pero elegante pa rin namang tingnan iyon. Bukod sa mas mura iyon sa ibang nakikita niyang damit na naka-display roon. Tinitingnan kasi niya muna ang presyo bago damputin. Ayaw niyang pumili ng mamahalin dahil nanghihinayang siya sa perang gagastusin sa isang damit lang. Kung siya nga ang masusunod ay haharap na siyang simple lang sa mga magulang nito. Wala naman kasi siyang dapat pang patunayan sa mga ito. Ipapakita niya kung sino talaga siya at kung ano lang siya.
“Okay na ba ito?” tanong niya matapos isukat ang n
