Alas dos pasado na at maaga ang uwian nila sa kompanyang kanyang pinapasukan. Wala silang overtime ngayon dahil may gagawing inventory sa kanilang kompanya. Kapag katapusan ay ganoon ang kanilang pasok. Mabuti na rin iyon dahil bukod sa araw ng swelduhan ay may oras pa siyang mamili sa grocery para sa kanilang buwanang supply. Ginagawa niya iyon para hindi na niya aalalahanin ang mga kakailanganin ng kanyang ina sa araw-araw.
May naiipon na rin siya kahit paano. Nagtatabi siya ng pera buwan-buwan para sa emergency o kung hindi naman ay para sa kanyang pag-aaral. Gusto talaga niyang makabalik sa pag-aaral. Nanghihinayang siya sa mga panahon na dapat ay naka-graduate na siya pero sadya sigurong may mga taong hindi talaga pinapalad na makatuntong agad ng kolehiyo kahit pa nga nais pa nila. H
