Diskumpiyado talaga si Robb sa alok na pakikipagkaibigan ni Rose Anne kay Kate pero hindi mababakas sa mukha nito ang totoong motibo nito. Matamis ang ngiti nito kay Kate habang nakikipag-usap sa dalaga.
“Alam mo, dapat pala noon palang nakipagkaibigan na ako sa’yo. I missed the opportunity to meet someone special like you. Hindi na ako nagtataka ngayon kung bakit inlove sa’yo itong si Robb.” Tumingin pa si Rose Anne sa kanya at ngumiti pero nakatingin lang siya rito na para bang sinasabing hindi siya naniniwala sa mga sinasabi nito maging sa pakikipagkaibigan nito sa kanyang nobya.
“Siguro inggit lang talaga ang naramdaman ko sa’yo noon dahil nagtataka ako kung bakit nagkakagusto sa’yo si Robb. Pero don’t worry, hindi ko na iyon nararamdaman ngayon. Kaya sorry talaga sa mga kasamaan ko
