"Hindi ako makapaniwala na pumayag ka sa kasal na 'yan," dismayadong sambit ni Shaniya kay Yanissa.
Napabuntong hininga naman si Yanissa. Matapos ang pagbisita ng pamilya Alder sa mansion kahapon ay mabilis na kumalat ang balita tungkol sa engagement nila ni Xander. Doon niya napagtanto na wala na siyang kawala sa kamay ng mapapangasawa niya. Hindi rin mawala sa kaniyang isipan ang tila pagbabanta sa kaniya ng binata.
"But infairness, hindi nila inilantad ang buong pangalan mo at ang mukha mo sa dyaryo," dugtong na sabi pa ng kaniyang kaibigan.
Totoo iyon. Tanging ang apelyido niya lamang ang binanggit sa balita dahil iyon din ang hiling ng kaniyang ninong. Masyado pa kasing mainit ang balita tungkol sa pagtanggi ni Allesia sa proposal ni Xander. At iniiwasan ng kaniyang ninong na bigla
