YANISSA'S POV
"Naglalaro ka ba ng badminton?"
Napalingon ako kay Xander nang bigla siyang magsalita. Katatapos lang naming mag-almusal at kasalukuyan kaming nakatambay sa may ilalim ng puno ng mangga. Nakatingin siya sa may court kung saan pwedeng maglaro ng basketball, volleyball o badminton. Marami kasing facilities ang Re-creation center kaya palagay ko ay hindi naman ako maiinip kahit na wala akong cellphone ngayon.
"Oo naman. Iyan ang madalas na laruin namin ni Shaniya noon. Hindi kasi ako pinapayagan ni Ninong na maglaro ng basketball," seryosong sagot ko naman.
"Basketball?" hindi makapaniwalang tanong sa akin ni Xander.
Marahan naman akong napatango. Isa sa pinagkakasunduan namin ni Shaniya ay ang pareho kaming sporty. Mahilig kami sa iba't ibang sports. Iyon nga lang, pinagba
