Maagang nagising si Yanissa kinabukasan. At kahit kagagaling lang niya sa sakit ay napagdesisyunan niyang pumasok sa opisina. Bahagya na kasi siyang naaaliw sa pagtatrabaho dahil kahit papaano ay nalilibang siya. Napagdesisyunan na rin kasi niya na huwag munang lumabas lalo na sa gabi sapagkat ayaw niyang maulit na naman ang insidente kahapon. Nangangamba rin siyang baka madamay ang kaibigan niyang si Shaniya kapag ipinagpilitan pa niya ang gusto niya.
Nag-ayos lang siya bilang isang normal na empleyado at nang makuntento siya sa kaniyang itsura ay lumabas na siya ng kwarto. Katulad ng dati ay tanging mga katulong lamang sa mansion ang sumalubong sa kaniya. Nakahanda na ang almusal ngunit ni isa sa mga Adler ay wala doon.
"Good morning po, Ma'am Yanissa," magalang na bati ng mga katulong
