YANISSA'S POV
Alas onse na ng gabi ngunit mulat na mulat pa rin ako. Hindi ako dalawin ng antok dahil paulit ulit na naglalaro sa utak ko ang nangyari kanina. Napatunayan ko lang na hindi talaga basta mga ordinaryong tao ang mga Adler. Ayoko mang isipin ngunit may posibilidad na sila na rin ang tumapos ng buhay ko kung sakali mang may magawa akong mali. Napapaisip rin ako kung may alam ba si Ninong sa mga ganitong gawain ng mga Adler.
Isang buntong hininga ang pinakawalan ko. Bumangon ako at naglakad papunta sa may bintana. Sumilip ako sa labas at doon ay natanaw ko si Xander na umiinom ng beer. Hindi ko naiiwas ang tingin sa kaniya habang siya naman ay abala sa pag-iinom. Hindi ko alam kung anong pinag-usapan nila ng mga magulang niya dahil hindi ako sumabay ng pagkain ng hapunan sa kan
