AMIDA
"Ano bang plano mo? Bakit hindi mo pa sinasabi kay boss? Ilang buwan na rin." seryosong turan ni Dolfo. Saka ito humarap sa akin at sumandal sa kotse. Agad ako nitong tinawag kanina nang makababa pa lamang ako ng aking motor.
Kadarating ko lamang galing Korea, dahil ipinaasikaso sa akin ni boss ang tungkol sa bagong negosyong ipinapatayo nito kasosyo si Mr. Laserna. At sa loob ng isang buwang pananatili ko sa Korea ay nakabuo na rin ako ng desisyon.
Desisyong hindi ko alam kung ano ang kahihinatnan ng lahat. At sana'y tama nga ako. Ang aking mga haka-haka simula umpisa pa lamang.
"Alam ko ang ginagawa ko, Dolfo. Sa ngayon, suporta mo lang ang kailangan ko. At hindi ko puwedeng sabihin kay boss hangga't wala akong hawak na ebidensya." Saka ako bumuntong hininga.
"Bahala ka. Basta
