PAGDATING sa mansyon ay agad akong sinalubong ni Amida, na mababakas pa sa itsura nito ang tila pag-aalala.
"Boss," mahinang sambit ni Amida, saka ito bahagyang yumukod. "Medyo matindi po 'yong takot na naranasan ni Senyora Susan kanina. Nawalan po ng malay habang nasa biyahe kami pauwi rito. Pero medyo–––"
"What? Where is she?" putol ko sa pagsasalita nito kasabay ng pag-aalalang biglang sumibol sa aking dibdib para sa aking ina.
"Nasa silid n'ya na po, boss. Chine-check na rin po s'ya ni Miss Alzano," tugon nito, saka ito gumilid upang bigyan ako ng daan.
Hindi na ako tumugon pa at malalaking hakbang kong tinahak ang daan paakyat sa silid ni Mama. Pagbukas ko ng pinto ay saglit akong natigilan nang makita kong inaasikaso ito ni Mariam na animo'y isang pasyente lamang nito sa hospital
