Alona
"GIRLIE! Russell! N-Nasaan na si nanay?" Hingal kabayo ako ng lapitan ko ang dalawa na nasa labas ng emergency room.
Malakas na malakas pa rin ang kabog ng dibdib ko. Paghinto pa nga lang ng jeep kanina ay halos tumalon na ako pababa.
Humawak sa braso ko si Girlie. Nakarehistro din sa kanyang mukha ang pagaalala.
"Nasa loob pa si Aling Daisy mate. Kapapasok lang ng doctor at sinusuri sya. Pero may oxygen na sya. Pinalabas muna kami ng doctor dahil marami ng tao sa loob."
"G-Ganun ba. Sana ok lang si nanay. A-Ano bang nangyari sa kanya?" Naiiyak ng tanong ko.
Kinakabahan ako at natatakot. Ayokong may mangyaring masama kay nanay. Hindi ko talaga kakayanin kapag iniwan nya ako. Sya na lang ang meron ako.
"Kanina ok naman sya. Sabay pa nga kaming nananghalian habang nanonood
