Wallace
NAKATINGIN ako sa labas ng bintana ng sasakyan habang nasa gitna kami ng byahe. Papunta kami ngayon ng General Hospital ng Paraiso Berde kung saan nakaconfine ang ina ni Alona.
Kinamot ko ng daliri ang sentido. Hindi naman makati pero napu-frustrate ako sa sarili ko. Nagpadala ako sa galit at selos. Paano ko ba haharapin si Alona? Paano kung ayaw na nyang bumalik.
Nah! Hindi pwede. Babalik sya sa mansion sa ayaw at sa gusto nya. Babalik sya sa aming mag ama.
Tumingin ako sa harap ng daan. Si Ka Andy ang driver ko ngayon. Wala si Gado dahil may pinapaasikaso ako sa kanya.
Nagtama ang mga mata namin ni Ka Andy sa rear view mirror.
"May problema po ba ser?"
Umiling ako at sinandal ang ulo sa headrest. Ng bigla akong may maalala.
"Gaano mo na katagal na kilala si Alona?"
