Conrad
wedding day..
LUMAKAS ang kabog ng dibdib ko ng bumukas ang pinto ng simbahan at bumungad si Tati na nakasuot ng puting puti na wedding dress na bagay na bagay naman talaga sa kanya. Hindi ko makita ang kanyang mukha dahil natatabingan ito ng puting belo.
Isang araw bago ang kasal ay hindi kami nagkita kaya miss na miss ko na sya. May kasabihan kasi ang matatanda na bawal magkita ang groom at bride isang araw bago ang kasal dahil baka daw hindi matuloy. Lahat ng pamahiin tungkol sa kasal ay sinunod ko sa takot na baka mabulilyaso ang kasal namin. Hindi ako makapapayag. At ngayong araw na ito ay walang makakapigil kahit sinoman.
Humugot ako ng malalim na hininga at ngumiti ng tumunog na ang organ at nagsimula ng maglakad ng mabagal si Tati sa aisle. Bahagya pang nanginginig ang
