MALIYAH's POV:
Nakatulog na ako sa kama kung saan may nangyari na naman sa amin ni Clint. Hindi ko alam kung anong oras na. May damit na rin ako ng naalimpungatan ako. Hindi rin malagkit ang aking katawan. Amoy vanilla na ang balat ko. Pati ang kulay gray na unan na ang nakatakip sa aking katawan ay gano’n din ang amoy. Iginala ko ang aking mga paningin sa kabuuan ng silid, hindi ko masyado maaninag kasi mapusyaw ang liwanag na nanggagaling sa lampshade sa gilid ng kama. Dahan-dahan akong bumangon dahil ramdam ko ang pangangalay, sa aking buong katawan. Bumalik sa gunita ko ang nangyari sa amin ni Clint. Uminit ang aking mukha at alam kong namumula iyon. Sigurado ako.
“Tita Mommy!!” Dinig kong tawag ni Andrea sa labas. Pag-apak ko ng aking mga paa sa sahig nakaramdam ako ng konting kirot
