Para akong napunta sa dilim kung saan wala kang makikitang liwanag. Wala kang maririnig, maaamoy, o mararamdaman man lang. Para akong nakalutang sa gitna ng kawalan.
May narinig akong boses. 'Elicia!' pagtawag sa'kin ng boses. Nang marinig ko 'yon ay nagsimula akong makagalaw at lumingon sa paligid upang sundan ang boses na tumatawag sa'kin.
'Elicia!' muling pagtawag ng boses sa'kin. Sinundan ko kung saan nanggagaling ang boses na iyon at nang muling tawagin ng boses na iyon ang pangalan ko ay saka lang bumalik sa'kin ang lahat ng ala-ala ko.
Ngayon ko lang din natandaan na boses pala iyon ni Edward. Patay na ba ako? Naiyak ako nang maalala ko ang putok ng baril at nang maalala ko si Edward. Siguro nga ay patay na'ko.
Muling tinawag ni Edward ang pangalan ko at sa pagkakataong ito ay m
