"Ito nga pala dala ko, adobong sitaw, niluto ko 'yan para kay Edward. Buti na lang at dinamihan ko dahil may bisita pala siya," wika ni Nanay Susan at binigay sa'kin ang malaking Tupperware na dala niya.
Nang tanggapin ko iyon ay medyo mabigat ito kaya mukhang marami nga ang laman nito.
"Salamat po Nanay Susan, tiyak po akong masarap 'tong niluto niyo at tiyak po akong matutuwa po rito si Edward," nakangiting sabi ko. Nilagay ko sa ref ang Tupperware dahil baka hindi namin kaagad ito makain ni Edward ngayong umaga kaya baka masira kapag hindi ko pinasok sa ref. Pwede namang iinit na lang namin mamaya kapag kakainin na namin.
After kong mailagay sa ref ang Tupperware ay muli akong lumapit kay Nanay Susan kaya sabay na kaming pumuntang garden.
~~
Nagbubunot kami ngayon ni Nanay Susan ng
