Masaya silang kumain lahat. Nagkwentuhan ng mga bagay-bagay tungkol sa kanilang mundo at maging sa kanilang sarili. Ang mga tanong ni Evan kay Lupa ay itinanong na rin niya at malugod na naman iyong sinagot ng diwata. Tuwang-tuwa naman si Lupa sa bata, ngayon lamang siya nagkaroon ng pagkakataon na makasama ng isang batang bituin. Nakikita niya rito ang nakasama niya rin dati. Kahit papaano ay gumaan ang kanyang loob mula sa nakaraan.
"Hali kayo. Ipapakita ko ang inyong magiging silid," anyaya ni Lupa sa kanilang tatlo, matapos nilang magkwentuhan.
Naunang lumakad si Lupa at sumunod naman si Wave, Evan at Asula. Hindi nila alam na mabait pala si Lupa, akala talaga nila ay istrikto ito at hindi man lamang malapitan ng kahit na sino. Pero nagkamali sila. Maging ang nanay nito ay mabait,
