Hindi makapaniwala si Lupa sa kanyang nakita. Bumangon ang pag-asa sa kanyang puso, habang nakatingin sa hawak na bulaklak ni Wave. Nagbibigay iyon ng buhay at sigurado siyang ang bulaklak na 'yon ang magpagaling sa kanyang ina. Huminga nang malalim si Lupa at napatango.
"Sige, pumapayag na ako. Mailigtas lang ang nanay ko," ani ni Lupa, sabay ngiti sa kanila. "Ano ang maitutulong ko sa inyo?"
"Saka na lamang natin pag-uusapan 'yan. Ibigay mo na ito sa nanay mo nang mailigtas siya," sabi ni Wave.
Tiningnan muna sila ni Lupa saka tumango. Inabot ni Wave ang bulaklak kay Lupa at kinuha naman iyon ng diwata. Pumasok si Lupa sa isang silid, hindi na sila sumunod dahil kailangan nito ng pribadong paggamot sa ina.
Napatingin si Asula kay Wave at naabutan niya itong nakatingin din pala sa
