ILANG ORAS na ang nakalilipas pero hindi pa rin nagigising si Evan. Hindi na rin mapigilan ni Wave ang mag-alala para sa bata, maging ganoon din si Asula. Nagtataka siya kung bakit hindi pa rin nagkamalay si Evan, may hindi magandang nangyayari. Kailangan niyang malaman at tuklasin kung ano.
Napatingin si Wave kay Asula na mahimbing na natutulog. Gising pa siya para bantayan ang dalawa. Lumapit siya kay Asula, kinumutan niya ito saka pinakatitigan ang magandang mukha. Hindi niya alam kung ano ang mangyayari pagkatapos na magising si Evan. Ang oras na iyon ay sasamantalahin na niyang pagsawain ang kanyang mga mata sa kagandahan ng babae na kanyang iniibig. Ngumiti si Wave saka hinawakan ang kamay ng babae. “Mahal na mahal kita, Asula. Sana mapatawad mo ako dahil sa pagbura ko ng mga alaal
