"May hindi ka ba sinasabi sakin?"
Natigil si Nahara sa pag-aayos ng kumot ni Rain at dahan-dahang nag-angat ng tingin. Matamang nakatitig sa kanya ang lalaki na may bahid ng pagdududa sa mga mata nito habang parang pinag-aaralan ang mga kilos niya. Tipid siyang ngumiti bago umiling. Nangako siya kay Damian na hindi siya magsasalita kaya tutuparin niya iyon kahit na parte lamang ito ng katauhan ni Rain.
"Wala po Sir. M—may problema po ba?" Kinakabahan niyang tanong.
Ilang segundong nanatiling nakatitig sa kanya si Rain bago umiling. "Nothing, I just felt like I did something or something happened without me knowing," tila naguguluhan nitong ani. "I felt like you're lying to me."
"Baka nananaginip po kayo, Sir. Nakatulog pa kayo kanina, diba?"
Rain stared at her again bago tumingin sa
