Marahan kong pinatutuyo ang aking buhok habang pinupunasan ng tuwalya. Seryoso ang mukha ni Dexter.
“Mukhang malalim yata ang iniisip mo?” tanong ko.
Tinapunan niya ako ng tingin at ginawaran ako ng isang ngiti. Isang buntong-hininga ang pinakawalan.
“Why?” dagdag ko pang tanong.
Bumalikwas siya nang pagbangon mula sa pagkakahiga at tumabi sa aking likuran. Isang mahigpit na yakap ang kaniyang iginawad.
“I was just so happy... I couldn’t believe that the day I had been waiting for would come,” sagot niya habang nakangiti.
Gumuhit ang matamis na ngiti sa aking labi sa kaniyang sinabi. Nararamdaman ko ang sensiridad sa kaniyang pagkatao. Sino ba naman ang hindi matutuwa kung ang babaeng mahal mo ay official girlfriend mo na? Hinarap ko siya at hinawakan ko ang kaniyang magkabilang pisn
