PAGKATAPOS namin mag-almusal ay nag-asikaso na kami ng mga gamit namin. Bago raw kami umuwi ay may dadaanan muna kami ni Dexter dito sa Tagaytay. Kailangan lang namin mag-check out at dalhin ang mga gamit namin. Uuwi na raw kami pagkatapos namin sa pamamasyal.
Kung ako ang masusunod parang ayaw ko pang bumalik sa Manila. Magulo at puno ng polusyon.
Tinapik ako ni Dexter nang marahan sa aking kaliwang balikat. Nakaakbay na ngayon siya sa akin. Bakas sa mukha niya ang saya.
"Are you ready?" tanong niya.
Hindi ko namalayan na natapos niya ng maikarga ang mga kagamitan namin sa kaniyang kotse. Paano kasi ay tulala ako sa kawalan. Pinagmamasdan ko ang malawak na lupain na kulay luntian.
Tumango ako sa kaniya bilang sagot ko. Niyapos ko siya at naglakad kami papunta sa kotse.
"Malalim ata
