"Hoy! Para ka nang maiihi sa itsura mo riyan!" Tinampal ni Sabina ang braso ko. “Okay ka lang ba?”
Napangiti ako sa narinig. Tiningnan ko ang mga kaibigan ko at nakita kong katulad ko ay kinakabahan din sila. Ni hindi nga ako sigurado kung ngiti nga ba ang ginawa ko dahil ramdam ko ang pagkabog ng dibdib ko.
“Naiitindihan kita, Gab,” kaagad na wika ni Seb. “Gusto ko na ngang maglabas ng sama ng loob sa sobrang kaba. Parang pinipisil ang sikmura ko.”
"Sino ba namang hindi kakabahan?" tanong naman ni Chris na halos kapareho ko yata ng itsura. "First time nating mag-aral at sigurado tayong lahat ay ginawa natin kaya nag-e-expect tayo ng magandang resulta."
“Ito na ba ang tinatawag nilang butterflies sa sikmura?” Tumawa pa ang siraulong si Macky.
Nagkatawanan kami at kahit sina JC na noon
