Marketing Management Department's Graduation Day
"Congratulations!"
“Sa wakas!”
"Graduate na tayo!"
Nakisigaw din ako nang ihagis namin ng mga kaibigan ko ang mga toga cap. Nagsama-sama ang mga iyon sa ere at halos maiyak ako nang muling bumagsak ang mga iyon at masalo ko ang sa akin.
Yumakap sa akin sina Letti at Sab.
"We did it!" Letti cried.
“Ang sarap sa pakiramdam!” Sab added.
Natatawang tinapik ko ang balikat ng mga kaibigan. Kahit ako ay emosyunal na rin at ngayong dumating na ang araw na pinakahihintay namin ay gusto kong maglupasay sa sobrang saya.
Katatapos lang ng graduation ceremony at lahat kami ay narito sa field ng San Sebastian. Dito dumiretso ang department namin para sa photoshoot.
Naramdaman ko ang pamumuo ng mga luha sa gilid ng mga mata ko. Bago pa nga lang
