Marahang idinilat ni Stef ang mga mata na baon pa rin ang mga ala-ala ng gabing nagdaan.
Akala ko, mawawala na ang problema ko kapag bumalik na ang mga alaala ko. Pero bakit hindi pa rin? Bakit parang lalo pang nadagdagan ang problema ko?
Matamlay siyang bumangon at napasigaw sa sakit ng ulo na tila mabibiyak. Dito lamang niya napansing may hawak na wine glass ang kaliwa niyang kamay at may natitira pang kaunting alak.
Nasaktan ako kay Greg nang sobra, pero bakit mahal ko pa rin siya?
Alas-diyes ng umaga nang bumaba si Stef mula sa kwarto niya. Bihis na bihis siya dahil naisipan niyang lumabas ng bahay.
I need to go somewhere. Baka mabaliw na ako sa kakaisip kung magmumukmok lang ako. Pero saan ako pupunta?
Matapos ang kalahating oras, nagpapaandar na si Stef palabas ng subdivision n
