Be back before lunch. Love you.
Napangiti si Stef sa nabasang note nang gumising siya isang umaga. Hindi man naabutan si Elijah, pakiramdam niya'y kumpleto na ang araw niya dahil sa iniwan nitong note. Isang linggo na rin silang naninirahan sa hotel at dahil sa desisyon ni Elijah na hindi na babalik sa libro, araw-araw siyang lumalabas upang makapaghanap ng trabaho, sa gayo'y mabuhay siya sa tunay na mundo kasama si Stef.
Matapos ang ilang sandaling pagpapaumay sa higaan, tumungo si Stef sa kusina upang maghanda ng makakain. Muling umukit ang matamis na ngiti sa kanyang mga labi nang mamataan ang mga nakahaing pagkain sa kitchen counter - pancakes na babad sa tsokolate.
Matapos masiyahan sa almusal, nagtungo naman si Stef sa sala dala ang isang tasang camomile tea. Nakabukas man ang TV,
