Muling bumalik si Riexen sa ospital upang tingnan ang kalagayan ng kaniyang ama matapos siyang manggaling sa bahay ni Rendell. Nasa loob siya ng private room kung saan naroon ang kaniyang ama na hindi pa nagigising mula nang ito ay operahan nila kasama ang pinsan niyang si Georgette at ang tiyuhin niya.
"Any moment ay magigising na ang iyong daddy, Riex. Normal na ang lahat ng vital signs ng daddy mo kaya may pag-asa pa," wika ni Jeron sa kaniya.
"Thank you, Tito Jeron." Napasulyap siya sa kaniyang ama habang hawak niya ang kamay nito. "Magpagaling kayo, dad." Saka niya inilapit ang mukha at hinalikan ito sa noo.
"Matutuwa ang daddy mo kapag nagising na siya at ikaw ang una niyang makikita."
"I am hoping for that, Tito Jeron." Sinilyapan niya ito. "Thank you for being here for my fathe
