NILAGYAN ni Rendell ng cold compress ang pisngi niyang namumula dahil sa malakas na pagkakasampal ng dating nobya. Tanggap naman niya ang bagay na iyon dahil kasalanan din niya sa pagiging padalos-dalos niyang kilos. Nasa sala siya ng kaniyang bahay habang nakasandal sa kinauupuan nito at pansamantalang nagpapahinga.
“Sir Rendell, may bisita kayo.”
Nilingon niya ang katiwala niyang si Aling Rosa. “Who?” he asked.
“Si Sir Tristan po.”
“Okay. Papasukin mo.”
Tumalikod na ang katiwala niya saka ito nagtungo sa labas upang papasukin si Tristan. Nagbilin siya na huwag basta-basta magpapasok at kailangan munang ipaalam sa kaniya kahit pa ang mga kaibigan. Alam naman ito ng mga kaibigan niya at ayos lang naman iyon dahil sinisiguro lang nito ang seguridad nila sa loob.
“Hey!” sambit ni Tr
