“ALAM N’YO na siguro kung bakit ako narito,” matigas na sabi ko sa mga kinikilalang magulang ni Janus.
“Sa labas tayo mag-usap.” Pormal na sabi ni Dr. Manolo Jose. Pinagmasdan muna namin ang ginawang pag-ayos ng asawa niya sa pagkakahiga ni Francis bago kami magkakasunod na lumabas. Dinala nila ako sa lanai. Nagsindi ng sigarilyo si Dr. Manolo Jose and even offered me one. Kumuha ako dahil nagsisimula na akong makaramdam ng tensyon.
“Dinala siya sa Nevada ni Mr. Leander Martenei sa dating ospital kung saan kami nagtratrabaho. Sinabi niyang he survived the procedure they executed on him. Tinanggal na nila ang machine that was helping him breathe but he kept on breathing as if telling the world that it was not his time yet. Napaka-rare ng case niya kaya mahigit isang buwan din namin siyang
