THEA
Dumating ang araw na pinakahihintay ko. Umaasa ako na makikita ko siya. Nakakailang man dahil sa nangyari sa amin at hindi pa kami nag-uusap, hindi ko tatangkain na lapitan siya para kausapin. Makita ko lang siya, masaya na ako.
Dumating na sina Tita Cassandra at Tito Juancho. Ilang minuto lang ay dumating na rin ang kaibigan ko. Nandito na rin si Kuya Tan-Tan. Inimbitahan ko si Aiden, pero hindi rin daw siya makakapunta.
“Hindi mo kasama si Thomas?” Mag-isa lang kasi siyang dumating.
“Gusto sana niyang sumama, kaso may gagawin daw siya,” sagot nito.
“Ganoon ba. Wala pa si Clarkson. Pupunta ba siya?”
Si Clarkson na lang ang kulang, kaya magbabakasakali muna ako sa kaibigan ko kung makakapunta si Clarkson para maaga pa lang ay hindi na ako umasa na hindi ko siya makikita. San
