THEA
Naalimpungatan ako nang may mabigat na dumagan sa baywang ko. Pagmulat ko ng mata, maliwanag na. Sumilay ang ngiti ko sa labi nang tumambad siya sa harap ko. Saka ko lang napagtanto na nandito na pala kami sa kwarto niya. Dala siguro ng pagod ay hindi ko naramdaman na binuhat niya ako para dalhin dito sa silid niya.
Pinagmasdan ko ang payapa niyang pagtulog. Wala nang mas sasaya pa sa paggising ko dahil mukha ng taong mahal ko ang masisilayan ko. Pakiramdam ko, ‘yong kulang sa pagkatao ko, tuluyan nang nabuo ngayon. Hinawi ko ang hibla ng buhok sa noo niya, hanggang sa natagpuan ko ang sarili kong marahang hinahaplos ang pisngi niya. Napansin kong biglang umaliwalas ang mukha niya kumpara nang magkita kami sa bahay ng magulang niya. Dahil siguro ipinagtapat na niya sa akin ang narar
