Chapter 60
Minia's POV :
Nagising ako na medyo maliwanag na ang paligid, tumatagos na ang sikat ng papaangat ng haring araw sa bintana. Tutok na tutok sa pwesto ko kaya mukhang kinukuha na ako ni Lord, umaga na pala? Bago pa ako tuluyang makapag-isip ay agad akong tinawag ng kalikasan kaya naman nagmamadali akong tumayo para umihi. Napailing na lang ako dahil ang plano kong pag-idlip lang sana ay napasarap pala, kita mo nga naman at umaga na.
Nang mapatingin ako sa gawi nila mommy ay nakita kong nakatulog na rin pala si Arvy sa visitor's chair kaya naman kinuha ko yung ginamit kong kumot at ikinumot ko sa kaniya. Ramdam ko kasi na medyo nilalamig siya, kawawa naman ang hirap na nga ng pwesto niya tapos nilalamig pa. Malakas ang kutob ko na sasakit ang katawan nito mamaya lalo na ang le
