Chapter 52
Minia's POV :
Pagtapos ng walang kwentang gulo sa bar ay dumiretso talaga ako na umuwi sa bahay, nagtaxi na lang ako dahil wala naman akong dalang kotse, buti na lang ay may pera ako. Pasimple akong sumilip sa rear view mirror para ayusin ang sarili ko. Hindi ako pwedeng umuwi na parang nakipagbardagulan kahit pa ginawa ko naman talaga.
"Kuya may suklay ka po?" Tanong ko sa taxi driver at kita ko sa mga mata niya na parang hindi siya makapaniwala sa itinanong ko. Doon ko lang napagtanto na kalbo pala ang driver kaya agad aking napangiwi, hindi ko naman napansin agad.
"Sorry po," paghingi ko ng paumanhin dahil baka mamaya ay na-offend ko na pala siya ng hindi ko alam.
Nginitian lang ako ni kuya kaya naman kahit papaano ay napanatag ang loob ko sa ginawa niya, dagdagan ko na
