Chapter 9
Buong gabi ay hindi makatulog si Avionna kakaisip tungkol sa post na 'yon. Ilang minuto lang naman 'yon nagtagal dahil na-take down agad ngunit marami ang nakakita. Pagdating ng umaga ay hinang-hina siya dahil walang tulog. Pilit niyang pinakilos ang sarili, inaasikaso ang dalawa niyang kapatid na papasok. Si Arvin din ay pinaliguan niya na para babantayan na lang ito ni Celine mamaya.
"Ate, sa amin na ba talaga ang tablet?" tanong ni Alvin habang nagsusuot na sila ng sapatos.
Tipid siyang tumango. "Mala-lock din 'yon after few hours ng paglalaro niyo. Hindi pwede na ma-addict kayo ro'n. At dapat gagawin muna ang assignment bago makahawak no'n, ha?" paalala niya. Tinignan niya ang dalawa. "Isa pa pala, magbigayan kayo, okay?" dagdag niya.
Masayang tumango ang dalawa. "Gagawi
