SA BAHAY ng mga Sebastian ay nagulat si Alili sa biglang pagdalaw ni Barbie na walang pasabi. Madalas kasi itong tumatawag kapag nais niyang makipag-usap kay Alfie. Ngunit hindi nawala sa kanya ang agam-agam na naroon sa kanilang bahay si Thea.
“Ma’am, naparito ka? Salamat at narito ka at mayroon lang sana akong itanong sayo,” ani Alili.
Imbes na sagutin siya nito ay seryosong titig lamang ang sinagot sa kanya. Dama ni Barbie ang nais itanong ni Alili dahil tungkol sa kasama niya, malamang ay pinagtataka na nila ang pagkakawala nito.
“Nariyan ba si Alfie?” mataray na tanong ni Barbie.
“Yes, ma’m, naroon sa garden!” sagot naman ni Alili.
“Okay, paki salin ito sa dalawang plato at e serve mo sa amin.”
Inabot niya kay Alili ang pagkain sabay tinalikuran niya ito at tinungo ang garden
