ANDREA
PAGKATAPOS ng aming pag-uusap ni Teresa sa hardin ay nagpaalam na ito dahil kailangan niya raw mag-report sa hospital ngayon.
Itinuloy ko na rin ang paglilinis sa buong beach house. Hindi naman ako masyadong nahirapan kasi maintain naman ang paglilinis doon.
Naging excited na ako pagdating ng tanghalian dahil excited na akong makasama muli sa hapag kainan si Doktora.
Pagpasok ko pa lang sa kusina ay naamoy ko na ang masarap na niluluto ni Manang Fely.
“Katakam-takam naman ‘yan, Manang…” Lumapit ako sa kanya para makita ang niluluto nito.
“Mabuti nariyan ka na. Maghanda ka na at kakain na,” anito.
“Opo, Manang. Uhm, anong oras po kaya uuwi si Doktora?” hindi ko na napigilang itanong habang nagsasandok ng kanin.
“Hindi raw siya uuwi ngayon. Mamayang hapunan na. Abala yata s
